A propósito de leituras...deixo-vos aqui um conto para aqueles que gostam mais de lêr...
Mulier hebræa perperit filium;
quem quum videret elegantem,
voluit servare.
Quare abscondit eum tribus mensibus;
sed, quum non posset
eum diutius occultare,
sumpsit fiscellam scirpeam,
quam linivit bitumine ac pice.
Deinde, posuit intus infantulum,
et exposuit eum inter arundines
ripæ fluminis.
Habebat secum unam comitem,
sororem pueri,
quam jussit stare procul,
ut eventum rei exploraret.
Mox filia Pharaonis venit ad flumen
ut ablueret corpus.
Prospexit fiscellam in arundinis hærentem
misitque illuc unam e famulabus suis.
Aperta fiscella, cernens parvulum
vagientem, miserta est illius.
"Iste est", inquit, "unus ex
infantibus hebræorum.
Tunc soror pueri accedens:
"Visne", ait, "ut arcessam mulierem
hebræam quæ nutriat parvulum?"
Et vocavit matrem.
Cui filia Pharaonis puerum
alendum dedit,
promissa mercede.
Sem comentários:
Enviar um comentário